Судир на сеќавања на територијата

Во јули 2021 година, рускиот претседател ја пренесе својата визија за историјата во текст од дваесет и пет страници. „Можам само да му позавидам на претседателот на една таква голема сила кој може да посвети толку многу време на толку детална работа“, коментира неговиот украински колега. Г. Путин ги презентира „клучните точки“ на историјата долга „повеќе од илјада години“, артикулирајќи ги познати настани на свој начин./Неговиот наратив е едноставен и линеарен. „Русите, Украинците и Белорусите се наследници“ на средновековната киевска држава што се протега „од езерото Ладога“ во близина на Финска „до Киев и Чернигов“. Нив ги обединува „ист јазик“ и „православна вера“. Ова единство беше уништено со монголската инвазија која го уништи Киев и ги истера Украинците кон западот. „Беа наметнати полските и римските обичаи“ и „дел од западно-руското православно свештенство се потчини на авторитетот на папата“, создавајќи ја Унијатската грчко-католичка црква, денес со мнозинство во регионот Лавов.